باب الرزق

جوايا حاجة بس محتاجة كيان
يقدر يمشيها قدر الامكان
فرس لازم يطلقله العنان
طردت منى الظنون علشان
تروى عطش قلب دبل م الحرمان
داق طعم السعادة و بيها بقى قنعان
و زى ما المثل بيقول
عصفور ف الايد ولا 100 على الاغصان
باب الرزق مش مقفول
رضيت باللى اتقسملى وبقيت انا الكسبان
مكسبى هو ايمانى غيره كله هيزول
وف رحلتى قابلت ناس أشكال و ألوان
زى صوابع الايد مش كلهم سيان
ده العقل نور الفكر والفعل برهان
قالوا اليأس طريقه طال و الحظ مشلول
و الحزن ظالم والصبر فيه خوان
حاولت أداويهم وأقول
الضيق بياخد وقت و يزول
و العسر بعده يسر والخير مأمول